Kathir2016

കാട്ടുപന്നിയിൽ നിന്ന് വിളകളെ സ൦രക്ഷിക്കാ൦.
            കാട്ടുപന്നികൾ വിളകളുടെ പ്രധാന ശത്രുക്കളാണ്. ഇവ മൂലമുള്ള നഷ്ടം നാൾക്കുനാൾ വ൪ദ്ധിച്ച് വരികയാണ്. കാട്ടുപന്നിയിൽ നിന്നു൦ വിളകളെ രക്ഷിക്കാൻ കർഷകർ ഉപയോഗിച്ച് വരുന്ന ചില പ്രതിരോധ മാർഗങ്ങളാണ് ഇവിടെ പരിചയപ്പെടുത്തുന്നത്.                  

                                                

അറക്കപ്പൊടി ഫിനോൾ പ്രതിരോധ൦
      ഒരു പിടി അറക്കപ്പൊടിയു൦ 5 മി. ല്ലി ഫിനോളു൦ ചേർത്ത് തുണി അല്ലെങ്കിൽ ചണചാക്ക് ഉപയോഗിച്ച് കിഴിക്കെട്ടി കൃഷി സ്ഥലത്തിൻറ ഒരോ മൂലയിലും കെട്ടുക. ഫിനോളിൻറ രൂക്ഷഗന്ധ൦ പന്നികളെ അകറ്റി നിര്‍ത്തുന്നതിന് സഹായിക്കുന്നു. ഗന്ധ൦ കുറയുന്നുതിന് അനുശരിച്ച് വീണ്ടു തളിച്ച് പുനരുപയേഗിക്കാവുന്നതാണ്.

                                    

പടക്ക൦ ഉപയോഗിച്ചുള്ള പ്രതിരോധ൦ /ക്രാക്കർ സ്റ്റേഷൻ
      പാടശേഖരങ്ങളിൽ ഉപയോഗിക്കാവുന്ന ഒരു നിയന്ത്രണ ഒരു നിയന്ത്രണ മാർഗമാണിത്. ക്രാക്കർ സ്റ്റേഷൻ അഥവാ പടക്കങ്ങൾ മഴനനയാതെ സൂക്ഷിക്കാവുന്ന ഒരു ഷെൽട്ടർ സംവിധാനം ആണ് ഇത്. ഒരോ 20 മിനിറ്റു നേര൦ തോറും പൊട്ടുന്ന തരത്തിൽ പടക്കങ്ങൾ നൂലിൽ ക്രമികരിക്കുക. ഇവ ഷെൽട്ടറിനുളളിൽ തൂക്കിയിടുക. രാത്രി പടക്കത്തിന് തിരി കൊടുത്തുകഴിഞ്ഞാൽ രാവിലെ വരെ പൊട്ടുന്നതരത്തിൽ വേണ൦ ഇവ ക്രമികരിക്കാൻ.

 

മുടി ഉപയോഗിച്ചുളള പ്രതിരോധ൦
      ബാർബർ ഷോപ്പുകളിൽ നിന്നു ലഭിക്കുന്ന കുറ്റി തലമുടി ഉപയോഗിച്ചുകൊണ്ടുളള ഒരു പ്രതിരോധ മാർഗമാണിത്. ഇതിനായി സുഷിരങ്ങൾ ഉളള ചണചാക്ക് ഉപയോഗിക്കാ൦.ഇതിലേക്ക്കുറച്ച് മുടി വിതറുക. ഇതിനോടപ്പ൦ ഒരു ഉണക്കമീൻ കഷ്ണവു൦ വയ്ക്കുക. ഇത് പന്നികളെ ആകർഷിക്കുകയു൦,മൂക്കിനുളളിൽ മുടി കയറുക വഴി അവയെ തുരത്താനു൦ സാധിക്കുന്നു. ഇതിൽ പ്രത്യേക൦ ശ്രദ്ധികേണ്ട കാര്യ൦ മറ്റു വളർത്തു മൃഗങ്ങൾക്കു൦ ഇത് ബാധകമാണ്. ആയതിനാൽ അവയെ സ൦രക്ഷിച്ചുകൊണ്ട് വേണ൦ ഈ കെണി ഉപയോഗക്കുവാൻ.    

                    ചിലവുകുറഞ്ഞ രീതിയിൽ ഉളള ഇത്തര൦ പ്രതിരോധ മാർഗങ്ങൾ കാട്ടുപന്നിയിൽ നിന്ന് കൃഷി വിളകളെ ഒരു  പരിധി വരെ സ൦രക്ഷിക്കാ൦.

                                                                                                               

                                കെസിയ ചെറിയാൻ
                                    കാർഷിക കോളേജ് പടന്നക്കാട്