Kathir2016

തുളസി കെണി

     മാവുകർഷകർ ഏറെ നേരിടുന്ന ഒരു പ്രശനമാണ് കായീച്ച .ഇതിനെതിരെ ഏറെ ഫലപ്രദമായ ഒരു മാർഗ്ഗമാണ് തുളസി കെണി .വീട്ടിൽ സാധാരണയായി കാണപെടുന്ന വസ്തുക്കൾ കൊണ്ട് വളരെ  എളുപ്പത്തിൽ ഉണ്ടാക്കാൻ കഴിയുന്ന ഒരു കെണിയാണിത് .

      ഒരു പിടി തുളസിയില ,അഞ്ചു ഗ്രാം ശർക്കര,ഒരു പ്ലാസ്റ്റിക്‌ കുപ്പി, 2-3 തുള്ളി മാലതയോൺ   എന്നിവയാണ്  ഈ കെണിയുണ്ടാക്കാൻ ആവശ്യമായ സാധനങ്ങൾ.കുപ്പിയുടെ വശങ്ങളിൽ  സമാന്തരമായി ജാലകങ്ങൾ ഉണ്ടാക്കുക.ഇത് ഈച്ചകൾക്ക് ഉള്ളിൽ കടക്കാൻ വേണ്ടിയാണ്.തുളസിയില നന്നായി ചതച്ച് അതിലേക്കു 5 ഗ്രാം ശർക്കരയും  മലതയോണും ചേർത്ത് ഇളക്കുക.ഈ മിശ്രിതം കുപ്പിക്കുള്ളിൽ ഒഴിക്കുക.ഇങ്ങനെ തയാറാക്കിയ കെണി മാവിന്റെ ശിഖരത്തിൽ കെട്ടി കൊടുക്കാവുന്നതാണ് .

മാവു പൂക്കുന്ന സമയത്തോ കായ്‌ പിടിക്കുന്ന സമയത്തോ കെണി കെട്ടി കൊടുക്കാവുന്നതാണ് .ഒരു സെന്റിന് നാല്  എന്ന തോതിലാണ് കെണികൾ കെട്ടികൊടുക്കെണ്ടത് .ഒരാഴ്ച്ച യാണ്  ഈ കെണിയുടെ കാലാവധി.

      തുളസികെണിയുടെ ഉപയൊഗതിലൂടെ നമുക്ക് പുഴുക്കുതില്ലാത്ത മാമ്പഴം ഉണ്ടാക്കാൻ സാധിക്കും.

                                       ലക്ഷ്മി എം പി